MUHIMMANCIN BARCI

Samun wadataccen Barci a lokacin da ya dace, ya na da
matukar muhimmanci a jikin Mutum.
Alfanun Barci ga jikin mutum, ba shi da iyaka. Domin shi
ne akan gaba wajen taimakawa da kyakkyawan tunani da
nazari, kasancewa cikin koshin lafiya da daidaiton jiki, bugu da kari ya kan karawa mutum sa mun sararin kariya
daga afkuwar wasu ababe marasa dadi.
Yanayin da kake tsintar kan ka idan ka farka, shi yake
fassara halin da ka kasance a lokacin da ka ke Barci.
A sa'ilin da ake shakar barci, jikin mutum a cikin aiki yake
na gyara daidaiton al'amuran jiki da sinadaran cikin sa. Hakanan ya kan kare mutum daga kamuwa da cututtuka.
Kananan Yara da kuma ma su shekarun da ba su wuce
ashirin ba, barci ya kan taimaka musu wajen samun
girman jiki da kuzari.
Matsalar karancin barci ana cin karo da ita anan take.
Misali, Hatsarin Mota. Hakanan rashin barci na janyowa mutum rauni wajen
gane abubuwa a rayuwa, tangarda a gurin aiki, rashin
sakewa da jama'a, da kuma cudanya da abokan sana'a.
Wani binciken masana kiwon lafiya, ya nu na cewar idan
har Mutum ya na samun wadataccen barcin dare, ya kan
karawa mutum kaifin basira da koshin lafiya. Daga cikin illolin da rashin barci ke haifarwa akwai irin su
yawan son hayaniya da Jama'a, kokarin aikata miyagun
laifuka, rashin mayar da hankali akan muhimman
al'amura, raunin samar da shawara ko mafuta a
zamantakewa, da kuma rashin kambama matsayin da
mutum yake kai a rayuwa. A kiwon lafiya ma, rashin barci ba baya ba ne. Don ya na
taimakawa wajen saurin kamuwa da ciwon zuciya (don a
lokacin Barci, jijiyoyin da suke daukar jini zuwa zuciya da
sauran sassan jiki, sukan samu kwari sosai).
Hakanan Mutum ya kan iya kamuwa da ciwon Sukari. (A
sa'ilin da ake barci, sinadarin Insulin da yake da amfani a cikin sukarin da ke jini, ya kan samu matsala).
Bugu da kari, Mutum ya kan ji bala'in yunwa. Domin
sinadarin da yake sa yunwa (ghrelin) ya kan hauhawa ne,
idan ba'a barci, wanda kuma yake sa koshi (leptin) ya kan
yi kasa sosai.
Barci ya na da matukar amfani wajen kyautata balagar mutum, da kuma samun damar haihuwa.
A lokuta da yawa Mutane ba sa gane muhimmancin barci,
kuma a zahiri har hatsarurruka ya ke haddasawa, da suka
hada da na Jiragen Sama, Kasa, Ruwa, Motoci, da sauran
su.
Wani bincike ya nu na cewar duk shekara ana samun hatsari kimanin dubu dari, kuma akan yi asarar rayukan
mutane kusan dubu daya da dari biyar.
A takaice ana bukatar a duk kwana guda (awanni ashirin
da hudu), mutum ya samu wadataccen barci na awanni
bakwai ko takwas...
Nidai lokacin barcina yayi kai/ke fa??? Yi comment da halin da kake ciki kana kwance ne kana
niyar barci ko kaima sai gari yawaye